الأحد، 27 يوليو 2008

التوهه


عقبال ما قمت و جيت .. تهت


و عقبال ما فكرت ان الكلام ده مالوش لازمة .. تهت


بادور على عنوان , على ملمح ,


على مخرج لنور الهداية .. بس تهت



ساعتها افتكرت انى من زمان تايهة



....
فكرت من حوالي اسبوع انى اكتب الحاجات اللى باحبها ,





الحاجات اللى بتعبر عني و باحب اعملها




امشي ناحية التليفزيون و اشغله



و اقعد اقلب فيه بدون تركيز ,



اى فيلم اعلّق قدامه



بعد كده اقعد اتساءل : هو حصل ايه ؟



هو الفيلم خلص على ايه ؟
....
فكرت ان اللى عايش و ماشي قدامكو ده قشرة ..



مجرد قشرة , جوايا تاه عنى من زمان




و الله ما اعرف مالي




عندي التهاب فى الجيوب الانفية ,



ناجم عن الاكتئاب طبعا ,


لان لما ييجي الالتهاب ده ببقى مكتئبة




باسمع شجر البن لمارسيل و اتوه معاها




باحبها ؟ يمكن .. مش عارفة





بس اهى حاجة مئتلفة معاها و خلاص




....
ما رحتش الكلية النهاردة بسبب الاكتئاب




و احتمال كبير ما اروحش بكرة




من فترة كنت ماشية بالدفع الذاتى





دلوقتى الدفع ده خلص و بقيت ماشية زى التايهين





تاهوا وسط الليل و خايفين ,




بيدوروا على امهاتهم و مش لا قينهم





بقيت ماشية و انا مش انا





باستغرب نفسي , و اتساءل : انا مين ؟




حتى اسمي مش طايقاه





و اسمائي الافتراضية بافكر اغيرها





لكن احط بدالها ايه ؟





.....





الحالة دى مستمرة من فترة ,




استنيتها تخلص ما خلصتش






.....






باسمع علي الحجار و مستغرباه أوي





طب ليه ؟





.....





شفت صورته النهاردة ... مين ده ؟





انا متعرفة بيه ؟





ده افتراضي





سلموا لي على الافتراضي





.........




( فينَك ؟





بينى و بينك ايام و يعدوا





بيني و بينك احزان و ينقضوا





شجر اللمون دبلان على ارضه




شجر اللمون .. دبلان على ارضه )





............





نومينوس : اللا أحد !





....





و ان ما فضلش معاك غير قلبك ,




اوعى تخاف , مش ح تموت




ح تعيش






موقعي

0 التعليقات:

إرسال تعليق

قائمة المدونات الإلكترونية

  • كورونا الاهلي والزمالك - باقي علي القمة الافريقية بين الاهلي والزمالك اقل من ٢٥ ساعة وناتي للاثارة والمتعة وجمال الكرة سواء من الاهلي او الزمالك ما يشغلنا في هذه المبارة موضو...
    قبل 3 أعوام
  • اعتقال أمريكي بسبب طعنه للبطيخ بطريقة عدوانية - * يواجه أمريكي تهمة التهديد من الدرجة الثانية بعدما اشتكت عليه زوجته للشرطة إثر تعرضها للإرهاب النفسي حين رأته يطعن بطيخة بطريقة "عدوانية" أمامها و...
    قبل 9 أعوام
  • La lingua Italiana per stranieri - Katerinov - La lingua Italiana per stranieri - Katerinov Book: Download here ( djvu format ) Audio: Download here
    قبل 10 أعوام
  • مسرحية " ذكى غبى جدا " - *مسرحية " ذكى غبى جدا *" *بطوله : * *على الحجار* * و محمد سعد* * و ميمى جمال* *تحميل مجاني - Free Download* *Server* مشاهدة مباشرة اون لاين *ana...
    قبل 11 عامًا
  • Pavarotti - Nessun Dorma (Live in Paris) - *ITALIAN;* *Nessun dorma! Nessun dorma!* *Tu pure, o, Principessa,* *nella tua fredda stanza,* *guardi le stelle* *che tremano d'amore* *e di speranza.* *M...
    قبل 11 عامًا
  • برلمان التحرير - «حصاوى بالمقهى يجلس شاردا وبجواره جاره» الجار: سرحان فى إيه يا حصاوى؟ حصاوى: أصلى بفكر أرشح نفسى للبرلمان. الجار: هاهاى، دا أنت مغمى عليك يا حصاوى، انتخ...
    قبل 11 عامًا
  • يا بارى الكون - يا بارى الكون فى عز وتمكين وكل شى جرى بالكاف والنون يا من احس به فى كل كائنة وقد تعاليت عن ظن وتخمين فى هدئه الليل يارب اراك فى هدئة الليل يارب اراك ف...
    قبل 12 عامًا
  • - معكم يوميا راديو الحجار من الساعه التاسعه الي الساعه العاشره صباحا ومن الساعه الثانيه ظهرا الي الرابعه ظهرا ومن الساعه الواحده بعد منتصف الليل الي السا...
    قبل 13 عامًا
  • اطفال الجنه - ايها الحب المطل من شرايين النقاء ايها الخير العظيم يا ضياء من ضايء ايها الحب المطل من شرايين النقاء ايها الخير العظيم يا ضياء من ضايء جئت بالحق تنادى ر...
    قبل 14 عامًا

إجمالي مرات مشاهدة الصفحة