على قد ما حبينا
كلمات: عبد الرحيم منصور
ألحان: بليغ حمدي
على قد ما حبينا .. و تعبنا في ليالينا
الفرحة في مشوارنا .. تاني حتنادينا
طول ما القلب صافي .. بحر العشق وافي
و كل عذاب الدنيا .. حيروق بكرة لينا
بس إمتى ليالينا .. ع الحلم ترسينا
بين أيوة و لا .. الحب بنلقاه
ما أحلى الحياة .. بصحابنا و أهالينا
و عذاب الحياة .. لما نكون وحدينا
لو نروق حيجينا .. كل ما اتمنينا
على قد ما حبينا .. و تعبنا في ليالينا
الفرحة في مشوارنا .. تاني حتنادينا
لو ممكن تطيب .. أحزان الحبيب
شمس الحب تطلع .. من بعد المغيب
بس إمتى أمانينا .. تيجي و تدفينا
ليه مانكونش ذكرى .. لليلة الجميلة
ليه مانكونش غنوة .. في الرحلة الطويلة
داحنا ياما شقينا .. من يوم ما اتنسينا
لو نروق حيجينا .. كل ما اتمنينا
أول، و قد تكون أجمل، أغنيات علي الحجار
. أغنية رائعة، كالعادة،
للثنائي عبد الرحيم منصور و بليغ حمدي.
أتمنى ألا يعاد تسجيل هذه الأغنية.
أداء علي الحجار، قيادة الأوركسترا
، أداء الكورس، و حتى تصفيق الجمهور
.. كل هذا من الصعب أن يتكرر.