لو مش هتحلم
(1)
لو مش هتحلم معايا
مضطر احلم بنفسى
لكنّى فى الحلم حتى
عمرى ما هأحلم لنفسى
لو كنت راح افتش
عن منصب ولا جاه
واصاحب الحذر
ده انا ابقى مستحقش حلاوة الحياة
و ضحكة البشر
يا صحبى يا صديقى
ياللى طريقك طريقى
ده انا يوم ما اعيش لنفسى
ده يوم موتى الحقيقى
مضطر احلم بنفسى
لكنّى فى الحلم حتى
عمرى ما هأحلم لنفسى
لو كنت راح افتش
عن منصب ولا جاه
واصاحب الحذر
ده انا ابقى مستحقش حلاوة الحياة
و ضحكة البشر
يا صحبى يا صديقى
ياللى طريقك طريقى
ده انا يوم ما اعيش لنفسى
ده يوم موتى الحقيقى
(2)
متمنعوش الصادقين عن صدقهم
ولا تحرموش العاشقين من عشقهم
كل اللي عايشين من بشرمن حقهم
يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ، ونوزن الأفعال
يمكن إذا صدقنا نمشي في صفهم
الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكوا
متمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهم
(1) تتر الجزء الثاني من مسلسل أبو العلا البشري
(2)تتر الجزء الأول من مسلسل أبو العلا البشري
غناء :علي الحجار
0 التعليقات:
إرسال تعليق