عايزين زعافة طويييييييلة

هريدي يابووووي


من الأغنيات اللي تركت جوايا علامة من سنين طويلة..


لقيتها على النت.. و حسيت انها أحسن


حاجه توصف حالنا دلوقتيت

يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط ................... يا مصرى قوم...هش الوطاويط...كفاياك تبليط صعبه الحياه والحل بسيط...حبة تخطيط ........................ فتحت باب إستيرادك وصرفت فوق ضعف إيرادك حلى للخواجه إستكرادك...سابك بتقرا فى أورادك وده أشطك ونزل تشفيط ................... يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط ................... ومهولاتى تحب تزيط...ساعة الفرح زغاريط تنطيط وفى المياتم هات يا صويت..وفى المظاهره تسخن تشيط وفى الانتخاب تنسى التصويت ................... يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط ..................... وليه بترشى وتتساهل.. وتبيع حقوقك بالساهل تستاهل النار تستاهل..ياغويط ويحسبك الجاهل ساهل وساهى وغبى وعبيط .................. يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط ..................... يا مصرى يا اللى الغلا عصرك.. والنهب فى عصرك حاصدك قوم للحياه وأسبق عصرك..ولا حاجه هاترجع مصرك إلا أن تكون شغال ونشيط ...................... يا مصرى ليه دنياك لخابيط...والغلب محيط والعنكبوت عشش عل الحيط...وسرح عل الغيط ...................... يا مصرى قوم...هش الوطاويط...كفاياك تبليط صعبه الحياه والحل بسيط...حبة تخطيط

للتحميل



no0r


لاغنية رائعة .. مست معانى كتير جوايا شخصيا


.. ويمكن خرجتها فى يا شعب قوم ..


الفرق هنا .. ان الاغنية ادمعتنى ..




Eagle Shadow

كلماتها فعلا معبرة...


عن الشارع المصرى...


فى كل لحظة بعشهااا.



dorbaga

انت بقيت عنصري يا عم هريدي

مش تاراعي ان في جنسيات من

دول تانية طب خليها يا عربي عشان نعديها



الا على الحجار خد جائزة نوفل على الاغنية دي


ولا اكتفي بحزمة جرجير


the white shade



لاغنية رائعة وفعلا تمس الشارع المصري


وبذات كلمة (عشش العنكبوت)


لاننا فعلا عايزين زعافة طويييييييلة


علشان نشيل العنكبوت


بس ممكن يكون عنكبوت رخم


وكمان الوطاويط


ويا استاذ حكواتي غير من مصري الى


عربي ولا اقولك مش احنا كلنا عرب واخوة


خلاص اتحلت يعني لو كانت بتتكلم


عن مين حتى وكان عربي يبقى خلاص خليها ليك


وشكرا يا هريدي دي اغنية رائعة


طبعا الاستاذ الجبار علي الحجار(ملاحظين القافية)


وشكرا مرة اخيرة وليست اخرا





ياسر سويد

الاغنية من البوم تجيش نعيش

كلمات سيد حجاب ولحن ياسر عبد الرحمن

ومش عارف ليه الاغنية دى بعد ما اسمعها لازم

اسمع اغنية عم بطاطا للحجار برضه

يمكن بحثا عن الأمل

عموما ده رابط اغنية عم بطاطا


وادى رابط لاغنية اذن يابلال للبحر درويش

عائدة الى الله


لاغنية دى كان خالى الصغير

بيقعد يسمعها و كنت باسمعها معاه كنت


فى ابتدائى و كان خالى وقتها بيعانى من البطالة

و كنت اقعد اقولها ايه دة بيشتم المصرى كدة؟


اصل كل الاناشيد و انا صغيرة كانت بتشكر

فى المصريين


"المصريين اهما حيويه

و عزم و همة متحضرين و مؤمنين"