الأربعاء، 27 أكتوبر 2010

عارفه


عارفه

حفلة مدرسة mse نهاية العام الدراسى2009\2010


عارفه

كلمات بهاء جاهين

الحان عمر خيرت

كلمات الاغنيه

عارفة

مش عارف ليه

متونس بيكى وكأنك من دمى

على راحتى معاكى و كأنك امى

مش عارف ليه

عارفة

حاسس إنى لأول مرة بشوفك

و إنى بشوفك من أول لحظة فى عمرى

حاسس إنى يمامة بتشرب فى كفوفك

و إنك شجرة وضلة ومية بتجرى

مش عارف ليه

مش عارف ليه

متونس بيكى و كأنك من دمى

على راحتى معاكى وكأنك أمى

مش عارف ليه

عارفة

فرحة كبيرة وصوت مزيكا فى قلبى

و كأننا حبيبين اتقابلوا بعد فراق

ليه فجأة بقيت مستنى لوحدى

ليه بتكلم وأحكيلك وأشكيلك همى

مش عارف ليه

مش عارف ليه

متونس بيكى وكأنك من دمى

على راحتى معاكى وكأنك أمى

مش عارف ليه

و أنا وياكى بحس بدنيا دنيا سلام وأمان

و أن العالم ما فيهوش ولا نقطة أحزان

ايدك خليها فى ايدى أنا طفل كبير

ايدك خليها فى ايدى انا طفل كبير

و بحس ان أنا وانتى لوحدينا ورد فى بستان

مش عارف ليه متونس بيكى وكأنك من دمى

على راحتى معاكى وكأنك امى

مش عارف لييه




الاثنين، 25 أكتوبر 2010

الحب له صوت




الحب له صوت

كلمات جمال بخيت

الحان حمدي رؤوف

كلمات الاغنيه

مقدرش اقول غير اني باحب

واني اسير سحر المحبوب

وبقالي بعد ما شفتك قلب

وبقيتلي روح في الحب تدوب

اول ما شفت عنيك حنيت

صوتك خطفني من الملكوت

وعرفت اني خلاص حبيت

وعرفت ان الحب له صوت


الأحد، 3 أكتوبر 2010

جالك اوان


جالك اوان

كلمات صلاح جاهين


الحان امير عبد المجيد

كلمات الرباعيه

جالك أوان ووقفت موقف وجـــود

يا تجود بده يا قلبي يا بده تجــــود

ما حد يقدر يبقي علي كل شـــــــئ

مع إن – عجبي – كل شئ موجود

عجبي !!!



اقلع غماك


اقلع غماك

كلمات صلاح جاهين

الحان امير عبد المجيد

كلمات الرباعيه

إقلع غماك يا تور وارفض تلف

إكسر تروس الساقية و اشتم وتف

قال : بس خطوة كمان .. وخطوة كمان

يا اوصل نهاية السكة يا البير تجف

عجبي !!!



ليه يا حبيبتي


ليه يا حبيبتي

كلمات صلاح جاهين

الحان امير عبد المجيد

كلمات الرباعيه

ليه يا حبيبتي ما بيننا دايماً سفر

ده البعد ذنب كبير لا يُغتفر

ليه يا حبيبتي ما بيننا دايما بحور

أعدي بحر ألاقي غيره اتحفر

عجبي !!



ياللي نصحت الناس


ياللي نصحت الناس

كلمات صلاح جاهين

الحان سيد مكاوي

كلمات الرباعيه

ياللي نصحت الناس بشــــــــــــــرب النبيت

مع بنت حلوه .. وعود , وضحك , وحديت

مش كنت تنصحهم منين يكســــــــــــــــبوا

تمن ده كله ؟ ... و الا يمكن نســـــــــــيت

عجبي !!


قائمة المدونات الإلكترونية

  • كورونا الاهلي والزمالك - باقي علي القمة الافريقية بين الاهلي والزمالك اقل من ٢٥ ساعة وناتي للاثارة والمتعة وجمال الكرة سواء من الاهلي او الزمالك ما يشغلنا في هذه المبارة موضو...
    قبل 3 أعوام
  • اعتقال أمريكي بسبب طعنه للبطيخ بطريقة عدوانية - * يواجه أمريكي تهمة التهديد من الدرجة الثانية بعدما اشتكت عليه زوجته للشرطة إثر تعرضها للإرهاب النفسي حين رأته يطعن بطيخة بطريقة "عدوانية" أمامها و...
    قبل 9 أعوام
  • La lingua Italiana per stranieri - Katerinov - La lingua Italiana per stranieri - Katerinov Book: Download here ( djvu format ) Audio: Download here
    قبل 10 أعوام
  • مسرحية " ذكى غبى جدا " - *مسرحية " ذكى غبى جدا *" *بطوله : * *على الحجار* * و محمد سعد* * و ميمى جمال* *تحميل مجاني - Free Download* *Server* مشاهدة مباشرة اون لاين *ana...
    قبل 10 أعوام
  • Pavarotti - Nessun Dorma (Live in Paris) - *ITALIAN;* *Nessun dorma! Nessun dorma!* *Tu pure, o, Principessa,* *nella tua fredda stanza,* *guardi le stelle* *che tremano d'amore* *e di speranza.* *M...
    قبل 11 عامًا
  • برلمان التحرير - «حصاوى بالمقهى يجلس شاردا وبجواره جاره» الجار: سرحان فى إيه يا حصاوى؟ حصاوى: أصلى بفكر أرشح نفسى للبرلمان. الجار: هاهاى، دا أنت مغمى عليك يا حصاوى، انتخ...
    قبل 11 عامًا
  • يا بارى الكون - يا بارى الكون فى عز وتمكين وكل شى جرى بالكاف والنون يا من احس به فى كل كائنة وقد تعاليت عن ظن وتخمين فى هدئه الليل يارب اراك فى هدئة الليل يارب اراك ف...
    قبل 12 عامًا
  • - معكم يوميا راديو الحجار من الساعه التاسعه الي الساعه العاشره صباحا ومن الساعه الثانيه ظهرا الي الرابعه ظهرا ومن الساعه الواحده بعد منتصف الليل الي السا...
    قبل 13 عامًا
  • اطفال الجنه - ايها الحب المطل من شرايين النقاء ايها الخير العظيم يا ضياء من ضايء ايها الحب المطل من شرايين النقاء ايها الخير العظيم يا ضياء من ضايء جئت بالحق تنادى ر...
    قبل 14 عامًا

إجمالي مرات مشاهدة الصفحة