على الحجار كان هيعمل حفلة امبارح الاحد فى ميدان التحرير اللي بيحتفلوا فيها بعيد العمال الا ان شباب ائتلاف الثورة رفض ان يكون فى حفلة لان شهداء الثورة دمهم لسه مابردش... وكما حصلت اشتباكات خفيفة بين الموجودين في الميدان بعد ماطلعت بسمة عشان تقدم علي الحجار ولكنها لقت شوية ناس بيهتفوا " انزلي .. انزلي" وده قبل ماتقع بينهم الاشتباكات اللي حصلت وسببت ان الحفل يتلغي .
و أكد كمال أبو عيطة رئيس النقابة المستقلة لموظفي الضرائب العقارية، أن اللي حصل في حفل النقابات العمالية المستقلة بعيد العمال في ميدان التحرير من عنف وشغب كان مترتب ليه وان البلطجية كانوا بيحدفوا القزايز علي المسرح اللي اتجهز للحفل وكانوا موجودين في الميدان من الصبح وقاموا بعمل مشكلة مع اعضاء حزب العمال وطلبيوا منهم مايرفعوش الاعلام الحمراء .. وقال عيطة ان دول بواقي النظام القديم اللي بيخربوا كل حاجة حلوة .
وكان رأي الحجار واضح من بداية ثورة 25 يناير وكان مؤيد للثورة ضد الفساد والظلم اللى أستمر في مصر 30 سنة ,و فى حفلة ليه يوم 27ابريل وهو بيغنى اغنية "مشربتش قهوة سادة" بدل فى كلامتها واتريق فيها على كل اللى باس ايد رئيس الوزرا احمد نظيف و رئيس مجلس الشوري صفوت الشريف ......
وبيقول في الأغنية :”وأبوس إيد الشريف وأسلم ع النضيف وأوهب يامصر عمري شهيد علي الرصيف” وغير كلمات الأغنية وقال”وأبوس إيد الشريف وأسلم ع النضيف مش صفوت الشريف ولا أحمد نظيف وأوهب يامصر عمري شهيد علي الرصيف”.ومن ناحية تانية هيعمل على الحجار حفلة فى ساقية الصاوى يوم 11 مايو ,ده غير انه خلاص خلص تسجيل كل أغنيات ألبومه الجديد اللى بيتكلم عن أحداث ثورة 25 يناير.
0 التعليقات:
إرسال تعليق