مأساة القسمات والسكنات والأماكن والذاكرة

مأساة القسمات والسكنات والأماكن والذاكرة


وحشني البلوج جدا .. بقالي مدة ما بكتبش فيه ..

ربما أصلا الناس إللي بدئت تتابع




شوية كتاباتي الساذجة نسينوني

!!
أرجع وأقول ويبقى البلوج متنفس ذاتي

أدون فيه لنفسي قبل الغير

.
ما وحشنيش البلوج وبس ..

وحشتني الكتابة كمان ..


بقالي مدة ما كتبتش ع الكيبورد ولا مسكت قلم ..

برضه ما وحشنيش البلوج ولا القلم ولا الكتابة وبس



وحشاني حاجات كتير



جت في بالي دلوقتي أغنية كل الحاجات




بتاعة محمد منير بيقول فيها

:
كل الحاجات بتفكرني ..



بعيون حيرتها تحيرني


ويجي في حتة تانية يقول

:
كل اللي يومها فرحته معاك ..



بيعذبني !!


ربما الفترة السابقة دي كنت ومازلت مجهد ومخدل ..


لذلك ربما أغيب فترة أخرى أو ربما أستمر ..


وفي نفس الوقت محبط لأن الكتابة ما غيرتش شيء ..


الأحاسيس الصادقة نفسها لا تشفع أمام أي شيء


أو تحقق أي شيء اللهم إلا رضا النفس

الذاتي والإحساس براحة الضمير !


مش عارف ليه افتكرت دلوقتي أغنية منير :


يا عذاب النفس ..

واخدني لفين !

.. يا عذاب نفسي !!

هل لأن ضميري بيأنبني على حاجة معينة أو مش



راضي عن نفسي برغم زعمي؟!





.. كل شيء ممكن!


ما تقدروش تتصوروا أنا مجهد قد إيه

..

ومش عارف ليه لما حد بيسمع كده



بيسألني عن صحتي وحالتي الجسدية

..


لكن الحقيقي إن الروح هي المجهدة ..



بقالي فترة ما استريحتش بشكل عام ..

ما بالك بحظ وفير من الصدمات المتتالية والنكبات

وانهيارات في حاجات كتيرة


علي الحجار بيقول

:
انكسر جوانا شيء

!!
هل علي الحجار من كتر الانكسارات



قال إنه شيء نكرة ..



نظام من كتر الحاجات اللي انكسرت



ما بقاش عارف يحدد بالظبط؟ ..

ممكن!


أصدقاء كتير قالولي

انتا اللي تاعب نفسك ..

ومافيش شيء يستحق ..

والحياة تستمر


على الحجار بس المرادي مع حنان ماضي بيقولوا -


لأن جه في بالي برضه دلوقتي

- :
وتستمر الحياة ..




بين ابستامة وآآآآآآآه


فيها اللي تاه في دجاه ..



واللي ضميره هداه !


عايز أشكر صديقين عزاز عليا وقفوا جنبي الفترة

السابقة بمناسبة الكلام


المهم أنا طولت في الكلام ..

أنا كنت عايز أدخل أقول فقط إني ممكن أنقطع

فترة لحين حاجات كتيرة تحصل ..

وممكن أكمل دون انقطاع


ممكن أكمل والقلب مفطور ومخدل بجملة

الضغط اللي الواحد اتعرض له


والمشكلة الأكبر تكمن في ذاكرتي


ذاكرة إنك ما تفتكرش الوشوش بس ..


تفتكر قسمة وتعبير الوجه وكل علامة

فيه وتعبير خاص بيه


ذاكرة إنك تفتكر كل سكنة وتحرك وتعبير ولمسة

وكلمات ومواقف بتفاصيلها المملة


ذاكرة الأماكن ..

إنك تفتكر المكان بالظبط وتربط المكان بالأشخاص

وتخيل الشخص في نفس المكان ..إلخ


ذاكرة أرهقتني وما تعرفش دي نعمة أم نقمة

على الشخص لو كانت بالطريقة دي في حين

إن ناس كتير بتنسى ولو ما نستش


بتعرف تعيش والسلام !!

Hamed Ibrahim