تغيير قاتل

في البوم لسة الكلام عام 1997 غنى على الحجار اغنية بعد الغروب

ومالم يعرفه الكثيرون ان تلك الأغنية قديمة سبق له ان غناها

مع اغنيات اخرى في إطار مشروع البوم لم يخرج

وقتها للنور لظروف انتاجية ووصل الى عن طريق صديق وسمعته

قبل ان تصدر بعض تلك الأغاني للجمهور بعد سنوات

( اعتقد ان على الحجار حكى في احد حواراته كيف تسببت

وفاه منتج البوماته فجأة في توقفه لفترة حيث اختلف الورثه

الذي آلت اليهم الشركة واعمالها وبالتبعية بعض اغنياته على استمرار

الإنتاج الفنى ثم انتهوا الى اغلاق الشركة –

اعتقد انها شركة روكى وهى نفس الشركة التى اصدرت

اتمنيت ل أحمد الحجار وآخر ل رأفت الحجار الشقيق الثالث )


الغريب انه ومع ظهور تلك الأغنية للنور فى ألبوم لسه الكلام

اكتشفت انها نسخة جديدة بنفس اللحن تمامآ ولكن بكلمات متغيرة

حولتها من اغنية وطنية تنزف جراح عاشق لمصر الى اغنية عاطفية

لقصة حب لم يكتمل والمعنى والفارق يتضح

لنا لو طالعنا كلمات الأغنية قبل وبعد التغيير


( الكلمات الأصلية للنسخة المنسية )


بعد الغروب

بعد الغروب


اول حقيقة عرفتها بعد الهروب


والموج يادوب بيشد قرص الشمس بيشد الغروب


وانا قلبي عاشق انا .. انا قلبي عاشق

والطريق مليان ذنوب .. مليان ذنوب


كانت خدودك وقتها متزوقه


احمر بلون الشمس .. لون دم البرئ


والطرحة مفرودة لقلبي مشنقة

وانا بأنطوى جوه الألم واطوى الطريق


كان مستحيل تبقى نصيبي ..

كان مستحيل انى اخدعك

مش راح يكون قلبك جنونى ..

ولاحتى ح اقدر اودعك

م الليلة غيرى ح يمتلك كل الدروب

وانا برضه عاشق انا ..

انا برضه عاشق


والطريق مليان ذنوب ..

مليان ذنوب

كان السبب انى معنديش م الدهب غير بس قلب


عرف التعب عشان معاكى ف يوم وهب للدنيا حب


وان الدفا عندى يكون جوه القلوب مش جوه قصر


ضاع الوفا وانا ماارتكبتش م الذنوب غير حب مصر


مقدرش زيه ف يوم افارق ارضها


مقدرش اتاجر مرة واحدة بعرضها


مقدرش اخونها لأنى لو يوم خنتها

لازم ح اخونك وارتكب كل الذنوب ..

كل الذنوووب

( الكلمات التى صدرت بها في البوم لسه الكلام )


بعد الغروب


بعد الغروب


اول حقيقة عرفتها بعد الهروب


والموج يادوب بيشد قرص الشمس بيشد الغروب


وانا قلبي عاشق انا .. انا قلبي عاشق


والطريق مليان ذنوب .. مليان ذنوب


كانت ملامحك بين ايدين بتزفها


وعنين بتسرق حلم من قلبي البرئ


والطرحة تطوى ذكريات وتلفها

وانا بأنطوى جوه الألم واطوى الطريق


كان مستحيل تبقى نصيبي ..

كان مستحيل انى اخدعك


مش راح يكون قلبك جنونى ..

ولاحتى ح اقدر اودعك


م الليلة غيرى ح يمتلك كل الدروب


وانا برضه عاشق انا ..

انا برضه عاشق

والطريق مليان ذنوب ..

مليان ذنوب


كان السبب انى معنديش م الدهب غير بس قلب


عرف التعب عشان معاكى ف يوم وهب للدنيا حب


وان الدفا عندى يكون جوه القلوب مش جوه قصر


ضاع الوفا ولقيت نصيبى من السكوت نسيان وهجر


ليه تكتب الأحلام نهاية عمرها


ليه المشاعر للى يدفع مهرها


ازاى ف لحظة.. حب جواك انتهى


ماتت مشاعر واختفت ويا الغروب ..

ويا الغرووب

استمتع بغناء على الحجار في الأغنتين ولكنه ابدع اكثر

وهو يصرخ بالألم وينزف وهو يغنى ضاع الوفا

وانا ماارتكبتش م الذنوب غير حب مصر

ولعل تلك القسوة في الإحساس بإن مصر العروسة

تضيع من محبيها هى من ابقت تلك الكلمات طى النسيان

وتحولت الأغنية بعدها الى صورتها المعروفة حاليآ.


م.مصطفى جاد