علي الحجار عرفت مقدار حبي لوردة بعد وفاتها

 عبر الفنان علي الحجار عن حزنه بسبب وفاة الفنانة الكبيرة وردة قائلاً أنه عرف قدر

 محبته لها حين علم بخبر وفاتها، فكما قال جبران خليل جبران ' المحبة لا تعرف لعمقها

إلا ساعة الفراق ' ، ولكن يعزيني أن أغنياتها الجميلة وفنها العظيم الذي تربى عليه جعلها

 لم تفارقني الآن ولن تفارقني أبداً.


وأضاف الحجار: 'إذا كان الجسد قد رحل لعلة أو مرض فستبقى روحها معنا دائما سليمة

 معافاة قوية مع كل أغنية رائعة لها غنتها، وأمتعت بها أرواحنا ووجداننا ومشاعرنا، 

وجعلتنا كلما استمعنا إليها نقول 'الله'

علي الحجار يضم "بحبك روح" لألبومه عن الثورة

إنتهي علي الحجار مؤخرا من تسجيل أغنية جديدة تحمل عنوان "بحبك روح"، 

وهي الأغنية التي كتب كلماتها الشاعر حسن وهبة ووضع ألحانها عماد الرشيدي،

 وهي من ضمن ألبوم سوف يطرحه علي الحجار قريبا عن ثورة 25 يناير،

 ويقول مطلع الأغنية "باحبك شوق يفيض نيل ويطرح ورد

كما يتعاون علي الحجار في الألبوم مع الشاعر ناصر رشوان في أغنية تحمل عنوان

 "ورد بلدي"، ومن المفترض أن يشهد الألبوم أيضا تعاون للحجار مع الشاعر عبد 

الرحمن الأبنودي من خلال قصيدة "الميدان"، الجدير بالذكر كذلك أن الألبوم يتضمن

 أربع أغنيات من ألحان شقيقه
 

على الحجار يغني وسط معتصمي وزارة الثقافة غدا

كتب : حسام موسي

يواصل عدد من المثقفين والفنانين اعتصامهم بوزارة الثقافة لليوم الرابع والعشرين، 

مطالبين برحيل وزير الثقافة علاء عبدالعزيز ورافضين لما وصفوه بـ«أخونة لوزارة 

الثقافة».

وفى إطار الفعاليات الفنية والثقافية التي تقدم يوميا على مسرح الثورة أمام مقر وزارة 

الثقافة بالزمالك، يشارك بالغناء في تلك الفعاليات الفنان علي الحجار غدا السبت.

يذكر أن عددا من مبدعي وفناني مصر كانوا قد ناشدوا في بيان لهم القوات المسلحة بأن 

تتولى تأمين كافة المواقع الثقافية والأثرية والتراثية الحاوية لتراث وإبداع مصر قبل

 تظاهرات 30 يونيو، ومنها المتاحف المصرية وكافة المواقع الأثرية والتراثية، دار 

المحفوظات ودار الكتب والوثائق القومية، هيئة المساحة المصرية، الجمعية الجغرافية 

والمجمع العلمي، دار الأوبرا المصرية، مقر وزارة الثقافة بشارع شجرة الدر بالزمالك، 

الهيئة المصرية العامة للكتاب، منطقة المسارح بوسط البلد، ومكتبة الإسكندرية، 

والكنائس.

على الحجار يشعل الساقية بالأغنيات الوطنية

 

استقبلت ساقية الصاوى، مساء أمس الأربعاء، الفنان على الحجار فى الحفل الشهرى 

له فى الساقية فى ظل حضور عدد كبير من الجمهور الذين تفاعلوا معه فى كل اغنية 

قام بغنائها.

ولقد بدأ حفلته بغناء مجموعة من الاغانى الوطنية منها حاميكى حراميكى ، وأغنية

 ولا بتهش ولا بتنش ، ويا مصرى قوم وراسك فوق وغيرها من الأغانى وبعدها غنى 

مجموعة من الاغانى الرمانسية منها عارفة وغيرها من الاغانى التى طالبه بها 

الجمهور.

يا خالق العالمين

يا خالـــــق العالميــــــن

كلمات سيد حجاب

الحان جمال سلامه

كلمات الاغنيه

يا خالـــــق العالميــــــن

يا ارحـــــــم الراحميـــن

مين فينا هيواسي مين

وكلنا كلنا وكلنا مروحين

اموات بيبكـــــــوا عـلي

امــوات وكلــــه بــــأوان

ولا دمـــــع ولا ولولـــــه

بيعيـدوا تاني اللي كــان

ده زمــن بحالــه انتهــي

وزمــــن جديـــد ابتــــدأ

بلاش بــكـــا ونهنهـــــه

الدنيـــــا مــــــن ده وده

يا خالـــــق العالميــــــن

يا ارحـــــــم الراحميـــن

مين فينا هيواسي مين

وكلنا كلنا وكلنا مروحين


للتحميل


يا خالق العالمين


للاستماع

علي الحجار يصور ثلاثين دعاء لشهر رمضان

انهى الفنان المصري علي الحجار مؤخرا تصوير ثلاثين دعاءً دينياً، في مدينة النوبة ومدينة أسوان،

 حيث حرص الفنان على استخدام أسلوب جديد في تصوير الأدعية الرمضانية، وكسر القواعد 

التي عودتنا على تصوير الأدعية في الأماكن الأثرية والقاهرة.

وأوضح الحجار أنه من المقرر عرض الأدعية خلال شهر رمضان المقبل على الفضائيات،

بمعدل دعاء واحد يوميا طوال أيام الشهر الكريم.
 

يا كاشف الغمه

يا كاشف الغمه

كلمات ناصر رشوان

الحان امير عبد المجيد

كلمات الاغنيه

ادعوك في كل طريق

يارب يا وهاب

تفرجها ع المخاليق

من اوسع الابواب

يا كاشف الغمه

افرجها ع المحروم

افرجها ع الامه

وافرجها ع المغموم

افرجها ع الانسان

يا حي يا منان

بانده وانا عطشان

قادر تبل الريق

وتسبب الاسباب

ادعوك في كل طريق

يا معطي يا وهاب

تفرجه ع المخاليق

من اوسع الابواب

للتحميل

يا كاشف الغمه

للاستماع 

ينبوع

ينبوع

كلمات صلاح جاهين

الحان امير عبد المجيد

رباعيات امير عبد المجيد

كلمات الرباعيه

ينبوع و في الحواديت أنا سمعت عنه

إنه عجيب .. و ف وسط لهاليب لكنه

شقيت كما الفرسان طريقي .. لقيت

حتي الخنازير و الكلاب شربوا منه

عجبي !!!!


للتحميل


ينبوع


للاستماع

سنوات وفايته عليا

سـنوات  وفايته عليـا 

كلمات صلاح جاهين

الحان امير عبد المجيد
 
كلمات الاغنيه

سـنوات  وفايته عليـا  فـوج  بعـد  فـوج

واحـدة  خـدتنى   إبـن  والتـانية    زوج

والتـالتـة  أب   خـدتنى   والـرابعة  إيـه

إيه يعمـل  إللى  بيحدفـه  مـوج  لمـوج ؟

للتحميل

سنوات وفايته 

للاستماع

أحب اعيش في الغابات

أحب اعيش في الغابات

كلمات صلاح جاهين

الحان امير عبد المجيد

رباعيات امير عبد المجيد

كلمات الرباعيه

أحب أعيش ولو في الغابات

أصحي كما ولدتني أمي و ابات

طائر .. حوان.. حشرة .. بشر ..بس أعيش

محلا الحياة.. حتي في هيئة نبات

عجبي !!


للتحميل


احب اعيش في الغابات


للاستماع

علي رجلي دم

علي رجلي دم

كلمات صلاح جاهين

الحان امير عبد المجيد
 
كلمات الاغنيه

علي رجلي دم .. نظرت له ما احتملت

علي إيدي دم.. سألت ليه ؟ لم وصلت

علي كتفي دم.. و حتي علي رأسي دم

أنا كلي دم ... قتلت ؟ ..... والا اتقتلت

للتحميل

علي رجلي دم

للاستماع

كيف شفت قلبي

كيف شفت قلبي

كلمات صلاح جاهين

الحان أمير عبد المجيد

كلمات الرباعيه

كيف شفت قلبي و النبي يا طبيــــــــــــب

همد و مات و الا سامع له دبيـــــــــــــب

قاللي لقيته مختنق بالدمـــــــــــــــــــــوع

و ما لوش دوا غير لمسه من إيد حبيب

عجبي !!!!

للتحميل


كيف شفت قلبي


للاستماع

عيون الوطن

عيون الوطن

كلمات عبد الرحمن الابنودي

الحان هيثم توفيق

توزيع احمد شعتوت

كلمات الاغنيه

إرسمها ع الجدران وع البيبان

وانقشها على ورق الشجر فى الريف

إروى عطش كل اللى بات عطشان

وادفع تَمن ما اخترت تبقى شريف!!

بيكسروا اياديك يا ابن الناس
 
علشان تكف عن افتضاح الأمر

لِمّ الفُرَشْ.. وطبَّق الكرَّاس

واقعد فى ضل الصبر.. من غير صبر!!


الشهدا سايبين ضلهم ع الأرض

ووشوشهم المرميه في الطرقات

  ماضيين على الدم النبيل.. باليد.

 الدم صاحى.. فمين بقى اللى مات؟

من كل فج الزحف بالملايين

ضد اللى خان فى السرّ أحلامهم

إحنا العدا.. ومافيش عِدا تانيين

دول خُبرا بس فى قتل أوطانهم!!

ياما شبْعت الزنازين من صوتنا

- والسجانين صُبيان للسلاطين

احنا انتصرنا.. لما هان موتْنا

جيش مين حيغلب صرخة الملايين؟

يا الشاعر اللى كسّروا حلقُه

بيدوّروا ع النار وع البارود

قتلوك بحقد ومزّعوا وخنقوا

والصوت مازال وسط الجموع بيقود!!.

فِدا النِّدا.. بقيت شهيد الثورة

صوتك عبرها.. مدينه بعد مدينة

مازال يعكَّر فى الوشوش العِكرة

صوتك.. وبينوّر وشوش أهالينا!!

ياما شبْعت الزنازين من صوتنا

- والسجانين صُبيان للسلاطين -

احنا انتصرنا.. لما هان موتْنا

جيش مين حيغلب صرخة الملايين؟


للتحميل


عيون الوطن



للاستماع 

لو كنت امير

 لو كنت أمير 

كلمات سيد حجاب

الحان حمدي رؤوف

كلمات الاغنيه

لو كنت أمير 

من أمراء الحواديت

كنت ادى لكل فقير وفقيرة بيت

بيت بجنينة مليانة زهور

وبعشة مليانة كتاكيت

وأعلّق فوقه قمر بنور 

ونجوم لولى... فتافيت فتافيت

لوكنت أمير 

من أمراء الحواديت

كنت ادى لـ... وزرائى محاريت

علشان يشتغلوا بايديهم ويشوفوا ازاى

الأرض السمرا لما نحرتها كدة رايح جاى

بتطلع غلّة وبن وقطن وضل وشاى

وتطلع غاب نعمل منه الأرغول والناى

لو كنت أمير

من أمراء الحواديت

كنت أدّى لكل الأطفال الحلوين ألعاب

قطر بقضبان..فرشة ألوان.. مية أو زيت

وابنيلهم قصر على المالح من غير أبواب

قصر بقبة لولى وقبة مرجان

وأعلّق عالقبة أجراس 

فضة ومرمر ودهب ونحاس

لكن قبل ده كلّه لو كنت أمير

من أمراء الحواديت

كنت ادّى لكل الناس 

وردة وكتاب

وردة وكتاب

وكمان قبل ده كلّه

قبل ده كله

لو كنت أمير

من أمراء الحواديت

كنت أرفرف زى النسمة وادخل فى الحلق

وأقطّع نص السنة الخلق

نص اللى مابيقولش الحق

علشان يتعلمه 

امتى يقولوا أيوة 

وامتى لأ

ده لوكنت أمير

من أمراء الحواديت

للتحميل


لو كنت امير


للاستماع 

الحلم لبنان

الحلم لبنان

كلمات نبيل خلف

الحان خليل مصطفي

توزيع احمد شعتوت

كلمات الاغنيه

بالروح بالدم في الحرب او في السلم

لبنان انا غضبان

باهتف وانا في الحلم

النيل في بنت جبيل

طالع في نص الليل

يسقي العيال م السيل

يصرخ انا مهتم

بانده وكلي حماس

لبنان يا جبل الماس

باجري في مارون الراس

يسبقني بحر الدم

بالروح بالدم في الحرب او في السلم

لبنان انا غضبان

باهتف وانا في الحلم

يا شهيد علي كتفي

تقرصني في كفي

وتقولي هتوفي

بالدين يا ابن العم

بالروح بالدم في الحرب او في السلم

لبنان انا غضبان

باهتف وانا في الحلم

صوتك اكيد هيفوز

في الحرب يا فيروز

هزرع نجوم فيروز

لما السما تغيم


للتحميل

لبنان انا غضبان

للاستماع 

مهبوووووووووووووووووووش

مهبوش

كلمات صلاح جاهين

الحان امير عبد المجيد

كلمات الاغنيه
 
مهبوش بخربوش الألم والضياع

قلبي ومنزوع م الضلوع انتزاع

يا مرايتي يا اللي بترسمي ضحكتي

يا هلترى ده وش والا قناع

عجبي !!


للتحميل


مهبوش

 
للاستماع

على الحجار يوقع علي حمله تمرد

على الحجار يوقع علي حمله تمرد

للمشاهده هنا

منصوره يا مصر

منصورة يا مصر 

 كلمات : مصطفي الضمراني

 الحان محمد الشيخ 

كلمات الاغنيه

 باذن الله منصوره يا مصر

منصوره يا مصر باذن الله

هتخطي يا مصر

باذن الله

من نصر لنصر

باذن الله

 اهو دا اللي  يا مصر اتعلمناه

وكمان قريناه في كتاب الله

 باذن الله منصوره يا مصر

منصوره يا مصر باذن الله

 بساتين الحب زرعناها

وجذور الحقد قطعناها

صفينا قلوبنا يابلدنا

رجعنا حقوقنا يا بلدنا

 اهو دا اللي  يا مصر اتعلمناه

وكمان قريناه في كتاب الله

 باذن الله منصوره يا مصر

منصوره يا مصر باذن الله

للتحميل

منصوره يا مصر

للاستماع 

ربما

ربما

كلمات سميح القاسم 

الحان-----------

كلمات الاغنيه 

ربما أفقد - ما شئت - معاشي 

ربما أعرض للبيع ثيابي وفراشي 

ربما أعمل حجاراً.. وعتالاً.. وكناس شوارع.. 

ربما أبحث، في روث المواشي، عن حبوب 

ربما أخمد، عرياناً.. وجائع.. 

ياعدو الشمس.. لكن.. لن أساوم.. 

وإلى آخر نبض في عروقي... سأقاوم!! 

ربما تسلبني آخر شبر من ترابي 

ربما تطعم للسجن شبابي 

ربما تسطو على ميراث جدي 

من أثاث.. وأوان.. وخواب.. 

ربما تحرق أشعاري وكتبي 

ربما تطعم لحمي للكلاب 

ربما تبقى على قريتنا كابوس رعب 

ياعدو الشمس.. لكن.. لن أساوم 

وإلى آخر نبض في عروقي.. سأقاوم!! 

ربما تطفئ في ليلي شعله 

ربما أحرم من أمي قبله 

ربما تشتم شعبي وأبي، طفل، وطفله 

ربما تغنم من ناطور أحزاني غفلة 

ربما زيف تاريخي جبان، وخرافي مؤله 

ربما تحرم أطفالي يوم العيد بدلة 

ربما تخدع أصحابي بوجه مستعار 

ربما ترفع من حولي جداراً، وجداراً وجداراً 

ربما تصلب أمي على رؤيا مذلة! 

ياعدو الشمس، لكن، لن أساوم 

وإلى آخر نبض في عروقي... سأقوم 

ياعدو الشمس.. 

وفي الميناء زينات وتلويح بشائر.. 

وزغاريد، وبهجة 

وهتافات، وضجة 

والأناشيد الحماسية وهج في الحناجر 

وعلى الأفق شراع 

يتحدى الريح.. واللج.. ويجتاز المخاطر.. 

إنها عودة يوليسيز 

من بحر الضياع 

عودة الشمس، وإنساني المهاجر 

ولعينيها، وعينيه.. يمينا.. لن أساوم 

وإلى آخر نبض في عروقي 

سأقاوم.. 

سأقاوم.. 

سأقاوم!

للتحميل

ربما

للاستماع 

ياما واحشني

ياما واحشني

كلمات سيد حجاب

الحان بليغ حمدي

كلمات الاغنيه

ياما واحشني

اعيش واغني للي فتني

وخد عقلي مني

وانا ايه حايشني

ملاني

ومافيش في ايدي الا التمني

طال اصطباري علي مراري

وليلي ونهاري وانا بداري

ولا حد داري اهين يا نارين

لامتي انتظاري يا دنيا حني

ياما واحشني

الليل بطوله سهران اناجي

قمر الدياجي واشكيله حالي

مش قادر اطوله وباروح وباجي

اسأل وراجي يجيب سؤالي

انا ايه جرالي

ياما واحشني

للتحميل

ياما واحشني

للاستماع

السماح

السماح

كلمات سيد حجاب

الحان بليغ حمدي

السماح يا اهل السماح

ها واسمعيني

اسمعيني

وارحمي اهات جوارحي

ودمع عيني

اسمعيني

اسمعيني مره واحده يمكن اهدي

بعدها اوعدك وتودعيني

اسمعيني

ايوه عارف اني غلطان

بس سامحي قلب ندمان

ع اللي  كان رافض

خوفي لدموع الندم تمحي ملامحي

قبل ما تسامحيني تاني

وتراعيني

يا اميرتي

الورد بسمه تتم عبيرك

 ليل نهار وانتي معاي ومش معايا

قلبي عمره ما كان اسير خاضع لغيرك

تيجي نعمل للحكايه

دي نهايه

واعذريني

للتحميل

السماح

للاستماع

بورسعيد

بورسعيد

كلمات ناصر رشوان

الحان احمد الحجار

توزيع احمد علي الحجار 

كلمات الاغنيه 

وادينى واديكى

على الطرقات مالينا الهم

لا انا عارف الاقيكى

ولا قلبى عليكى أتلم

أنا وانتى قدر مقدور

أحبك لجل اموت مغدور

واوهبلك ميلاد النور

واغنيلك اغانيكى

يا غنيوة الفؤاد والفم

وأدينى يابورسعيد شاعر

حدفنى سهمك الواعر

فتحت القلب سال دمى

على العشب الجميل مرمى

وتهموكى ف موت حلمى

وربك أدرى بالنيات

وبحرك البرئ م الدم

وأدينى ف غربة الميادين

وربك الكريم بيعين

وقالولك مسيره يخاف

وانا الاشجع وقلبك شاف

لا انا خاين ولا خواف

انا العاشق وانا المفتون

وانتى يا حبيبتى اهم

للتحميل

بورسعيد

للاستماع 

حسيت من سنه

حسيت من سنه

كلمات عصام عبدالله

الحان مسعد

كلمات الاغنيه

حسيت من سنة بآه متلحنه

بتطير ويا بالي على بيت جنبنا

آه زي المنا ... و الروح ف الغنا

ترجع القى حالي عطشان دندنة

آه تملى الليالي بحلم يضمنا

ترسم كون خيالي يجمع شملنا

انا واللي حاله حالي ... يا وعدي ع الهنا

حسيت من سنة بآه متلحنه

بتطير ويا بالي على بيت جنبنا

آه زي المنا ... و الروح ف الغنا

ترجع القى حالي عطشان دندنة

 ليل ياليل ياعيني

 ليل ياعين ياليلي

 آهاتي مراسيالي

ليل ياعين ياليلي

آهاتي مراسيالي

آه يا ريح قوليلي

صداها سلطنة

وعد الحب لاقاها

و لا الخوف نساها

اخدت قلبي معاها بروح متطمنة

حسيت من سنة بآه متلحنه

آه زي المنا ... و الروح ف الغنا

ترجع القى حالي عطشان دندنة

موعود قلبي بمناه

يختار حب الحياة

مع ان الحب توهة

 و بداية الفرح آه

حسيت من سنة بآه متلحنه

آه زي المنا ... و الروح ف الغنا

ترجع القى حالي عطشان دندنة

للتحميل

حسيت من سنه

للاستماع