علي الحجار يقدم أغنية جديدة لعيون أحمد حرارة

البطل أحمد حرارة بعد عودته من فرنسا

قرر المطرب الكبير علي الحجار أداء أغنية للطبيب و الناشط السياسي أحمد حرارة الذي فقد نور عينيه في ميدان التحرير , و من المنتظر أن يقدم الحجار الأغنية للمرة الأولى في حفل تكريم خاص ينظم على شرف حرارة في ساقية الصاوي يوم غد الأربعاء , و ذلك بعد أيام على عودته من رحلة علاجية في فرنسا .

و قد قام الحجار بتسجيل الأغنية في يوم واحد فقط و من المتوقع أن يقوم بأدائها لأول مرة أمام الجمهور يوم غد الأربعاء 28 ديسمبر بحضور الدكتور أحمد حرارة الذي فقد عينيه الأولى يوم 28 يناير أثناء ثورة 25 يناير و الثانية يوم 19 نوفمبر أثناء أحداث شارع محمد محمود , و كان الحجار قد غنى قبل أيام قليلة أغنية ' ضحكة المساجين ' و هي التي كتبها الشاعر الكبير عبد الرحمان الأبنودي و أهداها للناشط و المدون علاء عبد الفتاح الذي أفرج عنه يوم الأحد الماضي

أغنية من كلمات الشاعر الكبير عبد الرحمان الأبنودي كتبها لكل من علاء عبد الفتاح المحبوس على ذمة قضية ماسبيرو , و للدكتور أحمد شرارة الذي فقد إحدى عينيه يوم 28 يناير فيما فقد الأخرى في أحداث 20 نوفمبر الماضي في شارع محمد محمود , و غناها بأداء رائع المطرب علي الحجار و هي من ألحان الموسيقار الكبير فاروق الشرنوبي , و قد أهداه علي الحجار لشهداء مصر منذ اندلاع الثورة و الى جميع الثوار , و فيما يلي فيديو اليوتيوب للأغنية :

و فيما يلي كلمات الأغنية :

تغازل العصافير - قُضبانها
زنزانة لاجلَك كارهة سجّانها
دُوق زيّنا حلاوة الزنازين

على بُرشَها - بتمِدّ أطرافك
سجّانك المحتار فى أوصافك
مهما اجتهدْ ماحيعرف انت مين

طوبَى لكل المسجونين باطل
فى زمن - بيخدعنا وبيماطل
يا شموس بتبرُق فى غُرَف عِتْمين

أما اللى خان وطنَك وأوطانى
م الهيبة - حاطّينه ف قفص تانى
يصحى وينعس والجميع واقفين

ومصر عارفه وشايفه وبتصبُر
لكنّها ف خَطْفِةْ زمن - تُعْبُر
وتستردّ الإسم والعناوين

يا دى الميزان اللى طِلعْت لفوق
بينزِّلوك بالعافية أو بالذوق
دول مش بتوع الصدق فى الموازين

الثورة نور - واللى طفاها خبيث
يرقص ما بين شُهدا وبين محابيس
والدم لسّه مغرَّق الميادين

الحزن طايح فى قلوبنا - بجدّ
ما فضلْش غير الشوك فى شجر الورد
غِلِط الربيع ودخل فى أغبى كمين

وفى انتظار تيأس مع الأيام
غيرك فى قفصُه بيضربوله سلام
وانت الجزم قبل الكفوف جاهزين

ومصر عارفه وشايفه وبتصبُر
لكنّها ف خَطْفِةْ زمن - تُعْبُر
وتستردّ الإسم والعناوين

يا عم اقعد بسّ واشرب شاى
الدنيا ماشيه وشعبنا نسّاى
والبركة فى الشاشة وفى الجرانين

واذا هوْهوُوا - قوم إعلن الأحكام
وكل بُق - تلجّمه - بلجام
ومش حتغلب تطبخ القوانين


ويا مصر - هَدِّى وانتى بتفُوتى
الصوت فى صمتُه - أعلى من صوتى
آدى السجين اللى ما باتش حزين

واللى يُقف فى وش ثوّارها
ما حيورث إلاّ ذلها وعارها
واللى حيفضل - ضحكة المساجين

ومصر عارفه وشايفه وبتصبُر
لكنّها ف خَطْفِةْ زمن - تُعْبُر
وتستردّ الإسم والعناوي

جدير بالذكر أن الأغنية من كلمات الشاعر ناصر رشوان و ألحان أحمد علي الحجار و من غناء المطرب علي الحجار , و تقول كلماتها :

في كل شارع و في كل حارة أهتف و أنادي مصر بجسارة

وأقول يا بلدي يفديكي ولدي وعيونه فيكي ماهيش خسارة

لو ضي عيني ما زارش عيني والدنيا نورها كله يجافيني أنا ضى روحي و ضى قلبي مصري واسمه أحمد حرارة