لروحنا نعود
كلمات سيد حجاب
الحان ياسر عبد الرحمن
توزيع ياسر عبد الرحمن
كلمات الاغنيه
و ليه تباريحنا جارحنا
نضيع و تضيع ملامحنا
نتوه في زحمة العالم
ما نلقاش وشنا مالم
لروحنا نعود
و نبقى احنا
حبيبي تعالى لسه العمر في ربيعه
و نهر الحب في قلوبنا ينابيعه
حرام نعشق و نتعاهد
و نتفرق و نتباعد
و يبقى بكرة بين ايادينا
و نبيعه !
أنا في التوهة ، في الزحمة ..
باضيع ولا راحة ولا رحمة
تعالى انجدني من روحي
.. و من توهاني في جروحي
و خلي الكون يصالحنا
عينيك داري و حنان أهلي
.. و فين ما بأروح بتندهلي
تزهزهلي الحياة فيها
.. و تتفسر خوافيها
نطير و احنا في مطارحنا !
و ليه تباريحنا جارحنا
.. نضيع و تضيع ملامحنا
نتوه في زحمة العالم
.. ما نلقاش وشنا مالم
لروحنا نعود .. و نبقى احنا
0 التعليقات:
إرسال تعليق