مصر هبه النيل
كلمات سيد حجاب
الحان ياسر عبد الرحمن
كلمات الاغنيه
بيقولوا مصر دى هبة النيل
نقول دى هبة المصريين
النيل رواها جيل وراء جيل
بس اللى خضر ارضها مين
الفلاحين
النيل زمان كان صبى طايش
يغرق وادينا فى فضيانه
جه جدنا اللى كان عايش
هنا ولمه فى احضانه
مين روضك يا نيل يا نبيل
مين علمك تصفى وتلين
مين شقلك قنا لجل تسيل
وتخلى اراضيها بساتين
الفلاحين
بيقولوا مصر دى هبة النيل
نقول دى هبة المصريين
النيل رواها جيل وراء جيل
بس اللى خضر ارضها مين
الفلاحين
مين اللى على مسلاتها
مين اللى بانى هرم خوفو
من قام حياتها وصلاتها
بصوا حواليكوا وشوفوا
لا النيل عمل بايديه تماثيل
ولا ملاها غناء وتفانين
لا صلى ولا على التراتيل
هما اللى اسسوا دنيا ودين
بيقولوا مصر دى هبة النيل
نقول دى هبة المصريين
النيل رواها جيل وراء جيل
بس اللى خضر ارضها مين
الفلاحين
للتحميل
للاستماع
4 التعليقات:
اغنيه رائعه
رائعه
اغنيه رائعه
رائعه
إرسال تعليق