نويت اغني

الفن ماله الفن نعمه ......... فى البرد شمس فى الحر نسمه تختصر كلمات بهاء جاهين الحاله المثلى التى يكون عليها الفن بهاء جاهين اقتحم عالم الشعر غير معتمدا على اسم والده الكبير وهو الطفل الكبير الضاحك الباكى صلاح جاهين بهاء جاهين تقمص الفلسفه الجاهينيه التى تربى عليها بان الفن ليس ابتذال او بالاحرى كما تطلق عليه ابواق ظلاميه تحمل فكرا منغلقا بان الفن فى مجمله حرام نويت اغنى وقلبى دق .... حضنت عودى قالولى لاء بدايه تختصر الحاله كلها فالقلب دق وليس الجسم الذى اهتز وتمايل بخلاعه بل دق القلب ليرم الفن ماتبقى بداخلنا من اشلاء متكسره فى اوطان قد يصبح فيها الفن الخليع هو الفن الاصيل وان الراقصات هم من يحافظوا على زمن الفن الجميل الاجابه بلاء تغنى عن اى استفسار فهى لاء بدون اى ملامح لا تضم الى كثير من الالاءت التى فرضت علينا قسرا او قهرا فى كثير من مناحى الحياه فالفرح لا والمرح لا واللعب لا والضحك لا لاء الفن هنا فرضت علينا من مخيلات مريضه تنظر على الى الفن على انه مضيعه للوقت او ان الفنان مجرد شخص متهور ارعن ينام نهارا ويسكر ليلا انا قلت اه ياليل ياعين والعود تجلى والطبل دق ده المغنى واجب ... المغنى حق لن احاول ان البس توب الواعظ او توب المفتى لكن دعونا ننظر بكل اريحيه وبكل صدق للفن الصادق الذى يثرى بالروح ويعطى لنا دفعه معنويه هائله قد تعيننا على مصاعب الحياه كثيرا واخص هنا بالذات الموسيقى فالحياه فى رأيى المتواضع بدون موسيقى على الاقل مجرد عربه تهوى من قمه جبل والفن هو من يهدأ من روع متلقيه هو من يغذى الروح ويعطيها الهواء النقى الذى يعين على الحياه اشمعنى صوت الطيور حلال تقاسيم إلهى رقه وجمال لاحد افتى ولا حد قال ده كفر بين ولا حد زق ده المغنى واجب .... المغنى حق دلاله مهمه جدا فالاصوات والغناء يحيط بنا من كل جانب فالطيور تتحفنا بأصوات رائعه ولا استبعد فى ان يكون جالس شيخ يفتى بحرمه الغناء وعلى مقربه من شباكه يسكن عصفور يستمع الى صوته يوما وهو يسبح ويستمتع به لكنه هنا يغلق اذانه لانه لا يريد ان يخسر ثله من معجبيه او لانه لم يسمع بقلبه فيصدق اعرف ان الخلط فى الغناء قد يجعلك تصدق وتؤمن بأن الغناء حراما عندما ترى الغناء الماجن او الهابط يجتاح الوسط الغنائى او يطرد الفن الردئ الفن الجيد لكن من قال ان الاصل فى الغناء هو ان يكون ردئ او غناء قبيح انا طير مغنى عشى سمايا العود هوايتى والناى هوايا وبكره تسمع الناس غنايا ويقول معايا اللى قلبه رق من قال ان الدين ضد السعاده او ضد الاستمتاع بالفنون فى مجمله الاديان نفسها أسهمت في تنمية الإحساس الجمالي لدى الإنسان المؤمن وتسعى دائماً إلى الارتفاع بذوقه، والرقي بملكاته وطاقاته النفسية والروحية والعقلية. وان الفنان يجب ان يرتقي بفنّه سلم السمو الفني سواءً أكان غناءً أم شعراً أم تصوير الفن ماله ده الفن نعمه فى البرد شمس فى الحر نسمه قمر ونجمه مكتوب وقسمه وسهم حبه فى الروح رشق ملخص مبهج جدا لتعريف الفن فى مجمله تعريف بسيط عميق جدا فالفن فعلا قد تراه دفئ فى ليله بارده وقد تراه نسمه فى ظهيره حاره والاهم انه يستقر داخل وجدان وروح المتلقى دون ان يصوره البعض على ان الفن يساوى فى حد ذاته المجون والفجور اهم مايميز تلك الاغنيه بعد فلسفه بهاء جاهين هى نغمات عمر خيرت دائما ماكان صوت التشدد عالى ضوضاء بلا فعل جعجعه بلا طحن عمر خيرت احد من تهذبوا جدا وهم يتعاملوا مع صوت القدير على الحجار عمر خيرت صنع لحن رائق هادئ جدا يشدو به على الحجار فى هدوء وعقلانيه تصد الصريخ المتشدد الذى يصرخ دون بينه محققه عمر خيرت صنع موسيقى ترتقى بالروح اعتقد ان موسيقى الاغنيه كلها عباره عن ابلغ رد على من تشدقوا ومارسوا طقوسهم التشدديه فى تحريم الفنون بكل بساطه صنع لنا عمر خيرت لحنا راقيا يبلور فكره الفن المحترم الفن الذى يخاطب روح ووجدان الشعوب ويرتقى بها دون اى صريخ او ازعاج بل بالعكس صنع لنا همسه دافئه جدا بصوت على الحجار الذى يتميز بقوته لكنى اعشقه حتى فى رقته فالعنف والتشدد لن يقابله الفن بسباب او تشدد او عنف اخر والا لن يكون فنا بالاساس الاغنيه لطمه قويه على ادعياء التشدد على من تصورا ان الفن ماهو الا مضيعه للوقت او منفذ لكى يفجر به المجتمع او يمارس مجونه الفن عكس كل هذا الفن هو الرقى والسمو والعلاء هو الشمس وقت البرد وهو النسمه فى حر الصيف نويت اغنى بهاء جاهين عمر خيرت على الحجار Like · Afaf Ahmed, Ayman Ahmad, Ezzat Hashim and 12 others like this. Mohamad Ateya https://www.youtube.com/watch?v=N_TWdTaKGuk علي الحجار يشدو..نويت أغني ومش حنبطل نغني..نويت أغني وقلبي دق..حضنت عودي قالولي لأ..أنا قلت ىه يا ليل يا عين، والعود تجلي... youtube.com February 26 at 11:47pm · Like · 3 · Remove Preview Faten Mahmoud Abd Elaziz قبل ما أقرا التحليل أحب أسجل اعجابي الشديد باختيارك للأغنية الرائعة الفريدة في موضوعها February 26 at 11:53pm · Like · 1 Ayman Ahmad مش معقوله .. نويت اغني .. اغنيه من الاغاني المهجوره ، الف شكر ليك يافنان مبدئيا .. وهاستمتع بالتحليل وارجع تاني February 27 at 12:09am · Unlike · 2 Faten Mahmoud Abd Elaziz تحليل رائع وعميق لواحدة من أهم اﻷغاني المتفردة ، أعتقد أنه ﻻ يوجد من تطرق لهذا الموضوع المهم والفريد ، الفنان علي الحجار جرئ جدااا في اختياره للأغنية دي ، وده دليل على وعيه وثقافته وإنه بيمشي دايما ورا قناعاته وإحساسه الي دايما بيكون صادق ، ولو تسمح لي...See More February 27 at 12:30am · Unlike · 5 Ayman Ahmad حقيقي انا فعلا سعيد جدا بانك اخترت نويت اغني الاسبوع ده وفعلا نجم الغنوه دي هو موضوعها الشائك وده طبعا متوقع من فنان تنويري لايرضی لمجتمعه ان يعيش في الظلام ودائما الاستاذ الحجار علی استعداد لدفع ثمن اختياراته مهما كلفه الامر وتاريخه مليان بالمغامرات دي .. انا بكرر سعادتي بإختيار حضرتك للاغنيه دي ودايما صوت الاستاذ هو صوت الانسانيه February 27 at 1:19am · Unlike · 3 Mohamad Ateya Faten Mahmoud Abd Elaziz سعيد بمرور حضرتك جدا واتمنى ان اكون وفقت ومرورك دائما مايكون افاده لما كتبته February 27 at 2:11am · Unlike · 2 Mohamad Ateya Ayman Ahmad حقيقى ردك بيعملى حاله نشوه ورضا نفسى عما اكتب ودائما مايكون ردك بوصله لمزيد من البحث والتفنيد عن اغنيات لم تلقى قدر كافى من التفكيك والظهور بشكل تستحقه سعدت بمرورك جدا February 27 at 2:12am · Unlike · 2 Sherif Roushdy طلتك الاسبوعه من الحاجات اللى بتسعدنى جدا جدا وبعتذر لان مقصر فى المتابعه والتعليق وصدقنى كتباتك عن اغنيات على حتكون للتاريخ وليا رد تانى باذن الله February 27 at 2:22am · Unlike · 3 Mohamad Ateya Sherif Roushdy الصديق العزيز ورفيق الرحله والمشوار صدقنى ياعزيزى انا مدين لك بفضل كبير فى ما اكتب انت الاستاذ والمعلم وربنا مايحرمنى من طلتك انت وسؤالك وعشرتك اللى انا بعتبرها هى كنزى الحقيقى فى السنين اللى فاتت بجد February 27 at 2:33am · Unlike · 3 Faten Mahmoud Abd Elaziz العفو يا فندم Mohamad Ateya , كلنا بنستفيد من تحليل حضرتك وأنا شخصيا أتمنى إن يكون تحليل أغنيتين أسبوعيا بدل أغنية واحدة February 27 at 2:35am · Unlike · 3 Ayman Ahmad وانا بضم صوتي للغواص .. فعلا كتابات حضرتك عن اغنيات الاستاذ تاريخيه ومن اجمل اللحظات اللي بعيشها بدون مبالغه لما اشوف البوست الاسبوعي الممتع ده الغني جدا وبحس كمان ان ماينفعش نزود او نلغي اي كلمه او حرف من المقال .. فعلا جهد جميل راقي وبفضل اخمن ياتری ايه الغنوه اللي هتكون موضوع الفقره February 27 at 2:41am · Unlike · 2 Mohamad Ateya Faten Mahmoud Abd Elaziz شاكر جدا ليكى يا افندم واتمنى والله يبقى كل يوم بس ضيق الوقت هو اللى بيعمل ده ربنا يسهل الفتره اللى جايه February 27 at 2:42am · Unlike · 2 Faten Mahmoud Abd Elaziz ربنا يعينك ، وبالتوفيق دايما يا أ/ محمد February 27 at 2:45am · Edited · Unlike · 1 Mohamad Ateya Ayman Ahmad ميرسى لذوقك يا افندم وصدقنى بمناسبه التخمين انا لحد ما اابتدى اكتب بكون لسه مش عارف هختار ايه وبسيبها للومضه اللى بتلمع مره واحده بس طبعا مانكرشى ان فى اغنيات محفوره فى ذهنى بقى عاوز اكتب عنها February 27 at 2:55am · Unlike · 2 Ayman Ahmad ياسلام .. حضرتك جاوبت علی سؤالي فعلا من غير ما أسأله .. عن كيفية تحضيرك للفقره والاجابه طلعت اسهل مما كنت اتصور حضرتك بتكون اسير للحظه جميله بعمل من اعمال الاستاذ ..... وبشكل شخصي اتمنی ان غنوة شمعه ودمعه كلمات رضا امين ولحن احمد الحجار وتوزيع طارق حموده يكون لها نصيب من تلك اللحظات المضيئه الملهمه لحضرتك February 27 at 3:07am · Edited · Unlike · 3 Mohamad Ateya Ayman Ahmad اتمنى فعلا هى اغنيه مهمه وطارق حموده من الموسيقين اللى لعبوا مزيكا مش عشان يتشهروا اكتر من كونهم بيحترموا فنهم ويمكن طارق حموده فى رأيى لو كان اهتم انه يكون موزع موسيقى معروف كانت اتبت على ايده هو عمرو ابو ذكرى وعمرو محمود واشرف محروس واحمد رجب وعزيز الناصر ثوره موسيقيه جديده بشكل جديد February 27 at 3:19am · Unlike · 2 Sherif Roushdy انت مبدع من زمان يا محمد من قبل ما اعرفك ولانك اصيل ولانك صديقى دايما بتحطنى فى جمله مفيده لكن انت موهوب ومتمكن عن جداره فى قراءه وتحليل الاعمال الفنيه وليك دايما وجهة نظر خاصه بتسعدنا اشكرك على وجودك فى حياتنا ولانك بتكتب وبتخلينا نشوف الاغانى بشكل تانى على ايدك تحياتى يا صديقى واخى العزيز واشكر العزيزين فاتن وايمن على التفاعل والمشاركه الجميله February 27 at 3:29am · Edited · Unlike · 3 Faten Mahmoud Abd Elaziz مشاركتنا لتحليل أ/ محمد من دواعي سرورنا يا أستاذ شريف ، وشكرا لذوق حضرتك February 27 at 3:34am · Unlike · 3 Hossam Moussa والله يا محمد بتظهر لنا في الاغنيه وتفسرلنا امور حاسنها بس مش قادرين نعبر عنها تسلم ايدك Mohamad Ateya February 27 at 3:29pm · Like · 3 حسن محمود عبد الحليم الفنان صلاح جاهين من حكماء العصر برباعياته الخالدة February 27 at 5:43pm · Like Ayman Ahmad اكيد طبعا .. والإبن - بهاء جاهين -قدم تجربه رائعه مع الأستاذ .. وغنوة نويت اغني واحده منهم February 27 at 5:49pm · Like · 1 Hossam Moussa Write a comment...