الدنيا ملهى ولا إحنا مالنا

الدنيا ملهى ولا إحنا مالنا

من أجمل المسلسلات اللى شفتها مسلسل أبو العلا البشرى الجزء الأول و أكتر حاجه كانت عاجبانى فيه أغنية التتر اللى غناها على الحجار وخصوصا لما بيقول الدنيا مالها ولا أحنا مالنا

ماتمنعوش الصادقين عن صدقهم
ولا تحرموش العاشقين من عشقهم
كل اللي عايشين للبشر
من حقهم
يقفوا ويكملوا
يمشوا ويتكعبلوا
ويتوهوا أو يوصلوا
وإذا كنا مش قادرين نكون زيهم
نتأمل الأحوال ، ونوزن الأفعال
يمكن إذا صدقنا نمشي في صفهم .. الدنيا مالها ولا إحنا مالنا
ولا الزمان نسانا إيه جرى لنا
بقينا نحبس في الصدور سؤالنا
ونحسد الصادق على صدقه
ونقف بين العاشق وبين عشقه
نهرب من الصافيين إذا بكيوا
ونحسد الباكيين إذا ضحكواماتمنعوش الصادقين عن صدقهم
ولا تحرموش العاشقين من عشقهم
وإذا كنا مش قادرين نكون زيهم
نتأمل الأحوال ، وندرس الأفعال
يمكن إذا صدقنا نمشي في صفهم

ألحان: عمار الشريعي
غناء: علي الحجار

1. ذو النون المصري

   انا سعيد اني باعلق عندك كاول من يضع تعليق علي البوست
   بالنسبه لعلي الحجار معروف عنه انه مطرب متمكن لا يتكلم باي كلام باختصار هو انسان محترم جدا لا يهتم بالعدد و لا بالحضور الجماهيري المكثف و انما بالحضور الجاد فقط و انا من المعجبين به و بحب جدا اغانيه مع الموسيقار عمر خيرت

2. on 29 Dec 2006 at 9:04 pm3pegasuselmasry

   ابو العلاء البشرى من اجمل المسلسلات التى رسمت علامة جيدا للدرما
   و قد استطاع عمار الشريعى و على الحجار برسم الصوره النهائية الجميلة للمسلسل

   تحياتى
   و كل سنة و انت طيب

3. on 30 Dec 2006 at 2:16 am4saraheltobgy

   نهرب من الصافيين إذا بكيوا
   ونحسد الباكيين إذا ضحكوا

   Allah ysam7ak … everytime i sing thisd line or listen to it i cry begad.. it is really touching and :

   وإذا كنا مش قادرين نكون زيهم
   نتأمل الأحوال ، ونوزن الأفعال
   يمكن إذا صدقنا نمشي في صفهم
   …

   You must also remember:

   لو كنت راح أفتش عن منصب ولا جاه واصاحب الحذر
   أنا أبقا مستحقش حلاوة الحياة وضحكة البشر
   يا صاحبى يا صديقي ياللى طريقك طريقي 
   أنا يوم ماعيش لنفسى
   ده يوم موتى الحقيقي!ا

   Allah ysam7ak ya ABNOODI!

   P.S. i was going to make a blog and publish feeh the songs that touched me and i was going to start it with this song bas 7alal 3aleik 

4. on 30 Dec 2006 at 5:55 am5مبرمج حر

   ذو النون المصري

   كل سنة و أنت بالف الف خير يعنى مليون
    
   أنا بقى أسعد أنك بتعلق عندى سواء كنت الأول أو لأ
    
   بص أنا فى راى الخاص أنه حيثما غنى على الحجار حيثما وجدت الكلمات والصوت المؤثر

   تحياتى ليك يا ذو النون المصرى
   ……………..
   بيجاسوس المصرى

   بادىء ذى بدء أنا معجب جدا بأسمك “بيجاسوس المصرى” , البيجاسوس كائن بديع محلق وحر , بيجول فى كل الأماكن فى حرية تامة و كمان أرتبط الأسم 
   بمصر , بس مشكلة البيجاسوس أنه كائن أسطورى مش موجود يعنى من الأخر أسمك بيبعت رسالة “أأنا مصرى حر وطائر ومحلق فى زمن فقد فيه الكثير من المصريين الكثير من أحساسهم بالحرية و التحليق” عموما أنا سعيد بوجودك

   مسلسل أبو العلا البشرى الجزء الأول مسلسل جميل للغاية , وزاخر بالمعانى المطلوبة خصوصا أخر حلقة لما أبو العلا يعرف هو كان غلطان فى أيه طول 
   المسلسل

   تحياتى ليك يا بيجاسوس المصرى
   ……………..
   Sarah ElTobgy

   مش هاقدر أقول أكتر من أنك فنانة بجد 
   تقدرى تقولى على الأغنية دى أنها من النوع اللى بيمس شغاف القلب , كلمات وصوت وموسيقى , ثلاثى النجاح
   وبما أن الأغنية دى أنتى حستيها أووى يبقى لازم تعبرى عن أحساسك ده فى المدونةالجديدة بتاعتك حتى لو ألف واحد وواحد كتبوا عنها 
   لأن أكييد هيبقى عندك مشاعر حلوة عن الأغنيه ممكن تفيد الالاف من اللى هيقروا كلامك عنها

   فى أنتظار المدونة الجديدة بتاعتك

   تحياتى ليكى يا سارة

5. on 30 Dec 2006 at 3:44 pm6تسـنيم

   كل سنة وانت طيب يا مبرمج بس انا مش فاكرة أبو العلا البشري الجزء الأول أنا فاكرة كويس الجزء التاني ورائعة أحمد فؤاد نجم بصوت مدحت صالح بس للأسف مش فاكرة غير طراطيش كلام منها زي ما بيقولوا..
   ياريت لو تعرف تجيبها تعرضهالنا هنا وتبقى مشكور يا سيدي

6. on 30 Dec 2006 at 9:52 pm7مبرمج حر

   تسنيم

   أبو العلا البشرى الجزء الأول أتعمل سنة 1984 , بس أتعاد الالاف المرات لأنه رهييييييييب كان عامل تأثير
   قوى زى تأثير مسلسل الشهد والدموع وكان فيه أغنيه مشهورة جدا فى أبو العلا الجزء الأول أسمها “أحنا 
   الثنائى محسن وعمرو” بيغنيها على الحجار و محمود الجندى. الجزء الثانى أبو العلا 90 كان جميل برضوه 
   بس كان قايم على الأبهار أكتر من تقديم قيمة للمجتمع على عكس الجزء الأول
   بس كان فيه لمحة جميلة فى الجزءيين وهى تشبيه أبو العلا ب دون كيشوت اللى كان بيحارب طواحين الهوا 
   بسيفه زى ما تقولى كده قاصديين أنه كان أبو العلا كان بيحارب قوى أكبر منه بمراحل

   الرابط ده هتلاقى عليه 
   التتر الأول “ماتمنعوش الصادقيين”

   الرابط ده هتلافى عليه 
   التتر الثانى “لو مش هتحلم معايا مضطر أحلم لنفسى”

   والرابطين من موقع الأغانى الرائع

   تحياتى ليكى يا تسنيم

7. on 31 Dec 2006 at 11:31 am8تسـنيم

   مبرمج أنا فاكرة إني شوفت الجزء الأول في اعادة من إعاداته لكن قصدي إني عايشت الجزء التاني يوم بيوم وأحداث بتجد كل يوم مش مسلسل ماما شافته ولما يقفل على لقطة مشوقة أسألها هيحصل إييه  أبو العلا من الروائع زي الشهد والدموع وليالي الحلمية والراية البيضا وانا وانت وبابا في المشمش والمال والبنون الجزء الأول..
   شكرا على الرابط بس شوية غلاسة ملاقيش عندك تترات الجزء التاني كماااااااان.

8. on 31 Dec 2006 at 7:45 pm9مبرمج حر

   تسنيم

   تلاقي التتر على اللينك دى

9. on 24 Jan 2007 at 4:28 am10FTM

   شكرا على الأغنيتين دول أنا بحبهم جدا.ماأخدتش بالى من البوست دة قبل كدة .الجزء الأول أحلى من التانى بكتير

10. on 24 Jan 2007 at 6:38 am11مبرمج حر

    أحييى فيكى أحساسك الرائع
    لأن الأغنيتين فعلا حلوين
    وكمان الجزء الأول أحلى من التانى بكتير لأنه بيقدم حل و بيوجه أبو العلا فى الأخر للخطأ اللى وقع فيه فى أخر حلقة
    لما مدرس التاريخ ييجى له و يفهمه أخطاءه

    تحياتى لكى

11. on 07 Feb 2007 at 1:38 am12tamer

    what about (seket elhilaly)song,,de la bazet wla 7`erbt,,please some one write it..thank you

12. on 27 Mar 2007 at 4:39 pm13Bntmoslema

    يااااااااااااااااااااااااه , مش قولت انا هحتاج أرجع هنا تانى .. بجد أنا بعشق أغنيه ( اذا مش هتحلم معايا مضطر أحلم لنفسى) مش هعرف أوصف انا بوصل لاى مرحله من المشاعر مع كلامها .. بس بما ان حضرتك مبرمج قد الدنيا ياريت و رجاءا تساعدنى و تعرفنى ازاى احط الاغنيه دى فى الباك بتاع المدونه بتاعتى

13. on 27 Mar 2007 at 4:50 pm14مبرمج حر

    Bntmoslema

    الأغنية روعة بجد , عارف الأحساس اللى قصدك عليه
    لأنى حسيته فعلا فى الأغنية دى

    هابعتلك أيميل أقولك فيه ازاى تحطى أغنية فى الخلفية

14. on 08 Oct 2007 at 3:29 am15هناء

    آسفة بعلق بعد الموضوع ما خلص
    بس بحب احييك علي اختيارك الراااااااائع وأشكرك علي الاغنية، وأصححلك اللفظ شان يتظبط المعني”الدنيا ملهي ، والا احنا مالنا”..تحياتي

15. on 08 Oct 2007 at 5:24 am16مبرمج حر

    العفو .. أشكرك على تعليقك وزيارتك

    فى انتظار تعليقاتك دايما