فين بكره بتاعى .. فين زمن إزهارى .. وربيعى الخاص

ياطالع الشجره ... على الحجار


ياطالع الشجره ...
هتلى معاك بكره ...
ويكون على قدى ... وتكون عنيه سمرا

العدل فى يمينه .. والشمس فى جبينه
يمشى على مهلى .. وان تهت يندهلى


يابكره فين أنت ...
حتفوت هنا أمتى
حتجيب معاك حلمى ..
ولاتذيد ظلمى..


صليت جميع فرضى
زكيت ومش مرضى
خايف أموت قبلك .. ماتلمنيش أرضى


ياطالع الشجره .. لو جه معاك بكره
خليه يكون (.....) نكسى بيها الفقراء


يابكره فين أنت ...
حتفوت هنا أمتى
حتجيب معاك حلمى ..
ولاتذيد ظلمى..

-------------------

الموسيقى فى المقدمه .. وبين المقاطع .. تعتمد على أله الشجن المصرى الجميل .. الناى ... مش متأكده مين الملحن .. أرجح عمار الشريعى .. واتمال ياسر عبد الرحمن

هذه الأغنيه .. كانت واحده من ألبوم (أنا كنت عيدك) .. رأيى أنه من أقيم ألبومات على الحجار .. أن لم يكن أحسنها .. جميع أغانيه جميله .. كل أغنيه متكامله فى حد ذاتها .. وكان ممكن أى أغنيه تشيل شريط لوحده .. والباقى نص كم .. زى شرائط مطربين اليومين دول .. أغنيه تفرقع .. وأجري
فى هذا اللبوم ... انكسر جوانا شئ .. أنا كنت عيدك .. وغيرهم


مايستوقفنى بشكل شخصى فى الأغنيه .. بعد الموسيقى ... هذا المقطع .. الذى يكرره الحجار .. فى نفس التوقيت لتكرار الكورس لمقطع آخر فى ختام الأغنيه

يابكره فين أنت ...
حتفوت هنا أمتى
حتجيب معاك حلمى ..
ولاتذيد ظلمى..

نداء أردده أحيانا

فين بكره بتاعى .. فين زمن إزهارى .. وربيعى الخاص

nashwa