رأي اللي بيسمعوا عمرو دياب في الحجار

السلام عليكم يا شباب

اولا كل سنه و انتوا طيبين جميعا

و ان شاء الله عيد سعيد علينا كلنا .. و ان شاء الله السنه الجايه نبقي كلنا مش موجودين هنا

اقصد نبقي في الكعبه ان شاء الله

ندخل بقي في الموضوع

ساعات تلاقي مطرب مبتسمعلوش و مبطيقهوش خالص

بس تيجي تبص ع الكوفرز بتاع الالبوم تلاقي اسامي بتثق في شغلها

او تلاقي ناس عمالقه تأليف و تلحين و توزيع

ساعاتها بتضحي و بتسمع ! و لا انت لو مبتحبش المطرب .. يبقي مش فارق الباقي

اللي خلاني افكر في الموضوع ده .. كوفرز البوم علي الحجار

مع اني مبحبوش ولا حتي بسمعله

! بس الاسماء اللي ع الكوفرز مغريه ..

ع سبيل المثال

عمار الشريعي .. بليغ حمدي

شريف تاج .. عادل حقي

و اول ما تيجي سيره حقي .. لازم تفتكر قدام عيونك

مش عارف ان كنت هغامر و هاسمعه و لا ايه

و بما اني عارف ان في ناس كتير هنا مبيحبوش علي الحجار فبسأل السؤال بقلب جامد

! هتغامروا و تسمعوا ولا ايه

salihalshair

عمار الشريعي
فؤاد حداد
سيد حجاب
شريف تاج

كلهم حلوين بس فين كاريزما المطرب؟



abcarino_amr

no_way



i hate him


صعب اغامر لانى مبقبلهوش صراحة

و كمان لونة الموسيقى مش بيعجبنى


Mido00o

مع احترامي لتاريخه ولجمهورة . لا يمكن اسمعه ..


MIDOKA

انا جربت الموضوع ده مع لطيفه ونجه بكل المقاييس:d

انا مكنتش بطيقها وشريطها الى قبل كده كان دمه تقيل اوى
بس لما شوفت الكوفرز والناس الى سغاله معاهم حسيت انها متغيره

وسمعتها وطلع البوم تحفه ومن احلى البومات السنه دى

بالنسبه لعلى الحجار فانا ماتوقعش منه اى حاجه
واساس ده من اكتر المطربين الى بكرههم وعمرى ماحبتله اغنيه
مش معقوله هيجى النهارده واسمعله يعنى


makoo_diabeko

لا اسمعوه
المرة دي التجربة مختلفة
حاسس ان الألبوم يستاهل يتسمع



DARE-DEVIL

بصراحه مش بيعجبنى الا فى اغانى المسلسلسلات بس

واغنيه واحده كانت فى البومه اللى فات

اسمها

الليل يا ناس


Bec7am


على الحجار مش بتاعنا
الموسيقى بتاعته انتهت من زمان لسه عايش فى عصر التمنينات
وبعدين بيغنى اغانى لفئه معينه
مش للشباب

طبعا هو من نفس سن عمور
بس شوفوا الفرق
ربنا يخلى لينا عمرو يا رب بعده مش هنسمع موسيقى